Schizophrenic Housewives

Adeus Woodstock?

admin — Sun, 18 May 2008 00:35:19 +0000

A pasada ponte do primeiro de Maio enterámonos de que non lle ian renovar o aluguer ao Woodstock e, portanto, anunciaban o seu feche definitivo.

Ante tan traumática nova, decidimos montar unha festa de despedida como se merecía. Puxémonos en contacto con The Phantom Keys, Telephones Rouges e Los Hijos Bastardos de Peter Lorre para dar un bolo e de paso montar unha festa rachada.

A festa durou e durou, tanto que testemuñas aseguran ter visto xente alí dentro ás 15 horas do día seguinte, a pesares de que o alcol estaba practicamente esgotado.

Pois ben, a día de hoxe e pasados exactamente 15 días desde aquela amarga despedida, o Woodstock anuncia a sua reabertura a finais deste mesmo mes, algo así como o conto do lobo.

O vídeo que amosamos é desa mesma noite de suor e frenesí, mentres tocábamos “Stacye” dos “The Reatards”.

I’m Scatman!

admin — Mon, 04 Feb 2008 15:03:05 +0000

Quixéramos dedicarlle un pequeno anaco na nossa humilde páxina web a un dos mais grandes artistas que deron os 90 e que todos lembraredes con un sorriso: Scatman John. Mais que nada porque estivemos desfrutando del neste entroido e porque nos enteramos de que morrera dun cáncer de pulmón.

Scatman D.E.P. !!!

Na casa de Chof

admin — Sat, 26 Jan 2008 14:44:57 +0000

Non pudo ser no V Quintrón, pero desta si que tocaremos cos Jiménez los Santos nun dos nosos locais favoritos, o Woodstock de Portonovo.

Se queres aliviar a resaca do entroido ou se estás de exames e te queres airear un pouco, non dubides en acudir ao noso recital.

Comezaremos às 23h59 (horario Woodstock) o vindeiro 16 de Febreiro e a entrada será ao módico prezo de 4 euros.

Vémonos!

SH Audio Scrobbling!

admin — Mon, 14 Jan 2008 11:16:38 +0000

Xa se nos pode escoitar en Last.fm dentro do noso apartado, ademais de enterarte dos nosos próximos concertos e de se irá ou non esa persoa á que morres por entrarlle. Como sempre, mólanos ir á última.

Tamén estamos en proceso de subir todo o repertorio de Lentejas Los Miércoles, disponible tamén para baixar grauitamente e nos que incluimos sete rarezas e temas inéditos.

Et voilà!

admin — Sun, 06 Jan 2008 03:06:32 +0000

Este sábado día 4 demos a cara por primeira vez e tocámoslle uns temas no pub TNT dentro do festival Ogrobe Rocks!.

Catro horas de música de cinco bandas locais, entre elas: Alto Volta, Megapurple Sex Toy Kit, Analogic e Telephones Rouges. A asistencia de público (160 entradas vendidas) superou moitísimo o previsto nun principio e demostrámoslle por goleada ao goberno local que facer cousas coas bandas de aquí é unha boa idea.

Podedes verlle unha galería de fotos desa noite aquí. Por suposto, e como sempre, as fotos son de Miguel Muñiz, alias Henrique.